Vladimir Putin: “Rusiya həmsədr ölkə kimi münaqişənin həllində səylərini əsirgəməyəcək” - YENİLƏNİB-1

Vladimir Putin: “Rusiya həmsədr ölkə kimi münaqişənin həllində səylərini əsirgəməyəcək” - YENİLƏNİB-1

Aprelin 26-da Pekində Azərbaycan Prezidenti İlham Əliyev və Rusiya Prezidenti Vladimir Putin arasında görüş olub.

ONA-nın xəbərinə görə, dövlət başçıları görüşdə çıxış ediblər. Rusiya Prezidenti azərbaycanlı həmkarını görməkdən şad olduğunu vurğulayıb: “Bizim artıq, necə deyərlər, kuluarlarda bir-birimizlə qısaca söhbət etmək imkanımız olub. Sizinlə daha geniş tərkibdə söhbət etmək imkanına görə şadam. Sizinlə mütəmadi görüşürük, həm fikir mübadiləsi aparmaq, mövqelərimizi müqayisə etmək, həm də birgə işimizi bir növ təshih etmək imkanımız olur. Birgə işimiz isə, mənim fikrimcə, ümumiyyətlə, çox yaxşı gedir.

Ticari-iqtisadi əlaqələrimiz inkişaf edir. Biz hətta əslində Sizin təşəbbüsünüzlə ticari-iqtisadi sahədə demək olar ki, xüsusi qarşılıqlı fəaliyyət mexanizmi yaratmışıq. Zənnimcə, bu təşəbbüs yaxşı inkişaf edir. Sonra Rusiya və Azərbaycan tərəfindən olan həmkarlarımızdan bu barədə danışmalarını xahiş edərik. Lakin bütövlükdə bizim münasibətlərin inkişafından məmnunuq. Əminəm ki, bu gün Sizinlə qarşılıqlı fəaliyyətimizin bütün aspektləri barədə danışacağıq”.

Azərbaycan Prezidenti də bu görüşə şad olduğunu bildirib: “Yeni görüşümüzə çox şadam. Bizim görüşlərimiz münasibətlərimizin inkişafına çox ciddi təkan verir. Biz müntəzəm olaraq görüşürük və əlbəttə ki, bütün sahələrdə əməkdaşlığın, qarşılıqlı fəaliyyətin çox mühüm məsələlərini həll edirik. Münasibətlərimizin inkişafından çox məmnunuq. Onlar bütün sahələri əhatə edir və fəal siyasi dialoq aparılır. Biz əmtəə dövriyyəsinin artmasını müşahidə edirik. Sizin qeyd etdiyiniz kimi, konkret layihələrin irəlilədilməsi üçün xüsusi mexanizm mövcuddur. Biznes dairələri birgə işləməyə çox böyük maraq göstərirlər. Əlbəttə, nəqliyyat-logistika sahəsi əməkdaşlığın mühüm istiqamətidir. Burada da, energetika, kənd təsərrüfatı, humanitar əməkdaşlıq sahələrində də yaxşı nəticələrimiz var. Düşünürəm ki, qarşılıqlı münasibətlərin bugünkü səviyyəsi ikitərəfli və regional gündəliyə aid bir çox məsələləri həll etməyə imkan verir. Buna görə də əminəm ki, bizim indiki görüşümüz də dostluğa, mehriban qonşuluğa, qarşılıqlı dəstəyə, qarşılıqlı hörmətə əsaslanan münasibətlərimizin gələcək inkişafına yaxşı təkan verəcək. Biz bu münasibətləri çox dəyərləndiririk, onları çox qiymətləndiririk və onların fasiləsiz inkişaf edəcəyinə ümid bəsləyirik”.

Vladimir Putin diqqətə çatdırıb ki, keçən il əmtəə dövriyyəsi 14 faiz artıb və 2,5 milyard dollara çatıb: “Beynəlxalq gündəlikdə də ortaq məsələlərimiz çoxdur. Biz razılığa gəlmişik ki, avqust ayında Rusiyada növbəti Rusiya-Azərbaycan-İran sammiti keçirək. Belə ki, bu barədə də danışarıq”.

Görüşdə siyasi, iqtisadi, energetika, infrastruktur, investisiya, kənd təsərrüfatı, neft-qaz, nəqliyyat, sənaye, əczaçılıq, təhsil, mədəniyyət, humanitar sahələrdə əməkdaşlığın, o cümlədən Şimal-Cənub nəqliyyat dəhlizinin inkişaf perspektivləri müzakirə olunub. Hökumətlərarası komissiyanın uğurla fəaliyyət göstərdiyi bildirilib və iqtisadi əməkdaşlığın daha da genişləndirilməsi üçün yaxşı imkanların olduğu vurğulanıb.

Söhbət zamanı Ermənistan-Azərbaycan Dağlıq Qarabağ münaqişəsi müzakirə edilib. Prezident Vladimir Putin bəyan edib ki, Rusiya bundan sonra da Minsk qrupunun həmsədr ölkəsi kimi münaqişənin həlli istiqamətində səylərini əsirgəməyəcək.

Azərbaycan Prezidenti İlham Əliyev həmsədr ölkə qismində Rusiyanın bu münaqişənin həllində səylərini yüksək qiymətləndirib. Ölkələrimiz arasında dostluq münasibətlərinin bundan sonra da uğurla inkişaf edəcəyinə əminlik ifadə olunub.

***

13.01

Çinin paytaxtı Pekin şəhərindəRusiya və Azərbaycan prezidentlərinin geniş tərkibdə görüşü olub.

ONA-nın Moskva müxbirinin verdiyi xəbərə görə, bu barədə Kremlin mətbuat xidməti məlumat yayıb.

Vladimir Putin görüşdə azərbaycanlı həmkarını görməkdən məmnun olduğunu söyləyib: "Biz kluarlarda bir-birimizlə qısa danışıqlardan çox məmnunuq. Sizinlə artıq daha geniş tərkibdə söhbətləşmək imkanına malik olmaqdan şadam. Sizinlə müntəzəm görüşürük və təkcə fikir mübadiləsi aparmırıq, həm də birgə işimizi korrektə edirik. Fikrimcə, ümumilikdə birgə işimiz çox yaxşıdır. Ticarət-iqtisadi əlaqələr inkişaf edir. Sizin təşəbbüsünüzlə ticarət-iqtisadi sahədə xüsusi əməkdaşlıq mexanizmi yaratdıq. Fikrimcə, bu təşəbbüs yaxşı inkişaf edir. Bəlkə, Rusiya və Azərbaycandan olan həmkarlarımızdan bu barədə danışmağı xahiş edək. Ümumilikdə, münasibətlərimizin inkişafından məmnunuq. Əminəm ki, bu gün əməkdaşlığımızın bütün aspektləri barədə danışacağıq"-deyə Rusiya prezidenti qeyd edib.

Azərbaycan Prezidenti İlham Əliyev isə çıxışında Vladimir Putinlə yenidən görüşməkdən məmnunluğunu ifadə edib: "Görüşlər münasibətlərimizin inkişafına çox ciddi impuls verir. Biz müntəzəm olaraq görüşür, bütün sahələrdə əməkdaşlığımıza dair vacib məsələləri həll edirik. Münasibətlərimizin necə inkişaf etməsindən çox məmnunuq. Bu münasibətlər bütün sahələri əhatə edir. İki ölkə arasında aktiv siyasi dialoq aparılır. Ticarət dövriyyəsinin artımını müşahidə edirik. Sizin də qeyd etdiyiniz kimi konkret layihələrin irəli aparılması üçün xüsusi mexanizm mövcuddur. Biznes dairələrinin birlikdə iş görməsinə çox böyük marağı var. Əlbəttə ki, əməkdaşlığımızın vacib istiqamətlərindən biri nəqliyyat-logistika sahəsidir. Burada da yaxşı nəticələrimiz var. Enerji, kənd təsərrüfatı və humanitar sahələrdə əməkdaşlığımızın yaxşı nəticələri var. Hesab edirəm ki, əməkdaşlığımızın bugünki səviyyəsi çox məsələləri, ikitərəfli gündəmdə olan və regional məsələləri həll etməyə icazə verir. Ona görə də əminəm ki, bizim bugünki görüşümüz gələcəkdə dostluq, mehriban qonşuluq, qarşılıqlı dəstək və hörmətə əsaslanan münasibətlərin inkişafına yaxşı təkan verəcək. Biz bu münasibətləri qiymətləndiririk və onların irəliyə doğru gedəcəyinə ümid edirik".

***

12:20

Azərbaycan Prezidenti İlham Əliyevlə Rusiya Prezidenti Vladimir Putin Çinin paytaxtı Pekində görüşüblər.

ONA-nın Moskva müxbirinin verdiyi xəbərə görə, bu barədə “Rossiya 24” kanalı məlumat yayıb.

Görüş zamanı ikitərəfli münasibətlər müzakirə olunub. Vladimir Putin deyib ki, ötən il Rusiya ilə Azərbaycan arasında ticarət dövriyyəsi 14 faiz artaraq 2,5 milyard dollar olub.

Açar sözlər
Ilham Əliyev , Vladimir Putin , Minsk Qrupu , Kremlin Mətbuat Xidməti , Azərbaycan , Qarabağ , Moskva , Rusiya , Çin , Pekin
Siyasət xəbərləri
Deputatlar Minskə gedir

Deputatlar Minskə gedir

26-04-2019 21:17 - Yenisabah.az - Siyasət
Milli Məclisinin deputatları – ATƏT Parlament Assambleyasının (ATƏT PA) vitse-prezidenti, ATƏT PA-nın İpək Yoluna Dəstək Qrupunun sədri Azay Quliyev və ölkəmizin ATƏT PA-dakı nümayəndə heyətinin üzvü Tahir Mirkişili aprelin 28-dən 30-dək Belarusun Minsk şəhərində keçiriləcək İpək Yoluna Dəstək Qrupunun ikinci beynəlxalq konfransında iştirak edəcəklər. "Yeni Sabah" xəbər verir ki, Belarus Parlamentinin və ATƏT PA-nın birgə təşkilatçılığı ilə keçiriləcək və “Bir kəmər, bir yol: davamlı inkişaf və tərəqqi üçün əməkdaşlığın dərinləşdirilməsi” mövzusuna həsr edilən konfransda İpək Yoluna Dəstək Qrupuna üzv olan dövlətlərin və digər ATƏT PA ölkələrinin parlament, hökumət və özəl sektor təmsilçiləri, eləcə də beynəlxalq təşkilatların, Belarusdakı diplomatik korpusun və ATƏT regionunda həyata keçirilən beynəlxalq infrastruktur layihələrinin yüksək vəzifəli nümayəndələrinin iştirakı nəzərdə tutulub. Konfransda “Bir kəmər, bir yol” təşəbbüsünün həyata keçirilməsi iqtisadi artım və iştirakçı dövlətlərin investisiya cəlbediciliyinin gücləndirilməsinə təsir edən amil kimi: mövcud problemlər və inkişaf yolları”; “Beynəlxalq infrastruktur layihələrinin həyata keçirilməsi – “Bir kəmər, bir yol” təşəbbüsünün uğuru üçün əsaslar” və “İştirakçı dövlətlərin humanitar sahədə əməkdaşlığının və turist cəlbediciliyinin artırılması üçün “Bir kəmər, bir yol” təşəbbüsünün potensialından istifadə” mövzularında panel iclasları keçiriləcək.
Ona.az digər xəbərlər
Avropa Liqasının finalı ilə əlaqədar AZAL və "Buta Airways"in uçuşları yeni qrafik üzrə yerinə yetiriləcək

Avropa Liqasının finalı ilə əlaqədar AZAL və "Buta Airways"in uçuşları yeni qrafik üzrə yerinə yetiriləcək

26-04-2019 12:16 - Ona.az - Siyasət

 Bu ilin il mayın 29-da Avropa Liqasının finalının keçiriləcəyi müddətdə Heydər Əliyev Beynəlxalq Hava Limanında sıxlıq ilə əlaqədar olaraq, “Azərbaycan Hava Yolları” və “Buta Airways”in reyslərinin cədvəlinə dəyişiklik edilmişdir.

ONA-ya AZALədan verolən məlumata görə, mayın 29 və 30-da uçuşlar aşağıdakı cədvələ əsasən yerinə yetiriləcək.

29 may (yerli vaxt göstərilmişdir, "+" növbəti gündəki vaxtı işarə edir):





Reysin nömrəsi


 Marşrut


Bakıdan uçuş


Təyinat məntəqəsinə gəliş


Təyinat məntəqəsindən uçuş


Bakıya gəliş




J2-003/004


Bakı-Ankara-Bakı


20:00


21:30


22:30


01:50+




J2-011/012


Bakı-Dubay-Bakı


04:50


07:45


10:10


13:10




J2-026


Antalya-Bakı





16:00


19:50




J2-076


İstanbul (IST)-Bakı





16:30


20:15




J2-9683/9684


Kiyev (IEV)-Bakı

(Buta Airways)





16:10


20:30




J2-9575/9576


Bakı-Kazan- Bakı

(Buta Airways)


20:00


21:50


22:50


02:50+




J2-9717/9718


Bakı-Mineralnıye Vodı-Bakı

(Buta Airways)










21:00


21:40


22:40


01:05+




J2-809/810


Bakı-Moskva (VKO)-Bakı


Reyslər ləğv edilmişdir




J2-079/080


Bakı - İstanbul-Bakı 


Reyslər ləğv edilmişdir




J2-852/851


Bakı- Moskva (DME)- Bakı


Reyslər ləğv edilmişdir




J2-255


Bakı-Naxçıvan


Reys ləğv edilmişdir




J2-254


Naxçıvan- Bakı


Reys ləğv edilmişdir







30 may (yerli vaxt göstərilmişdir):







Reysin nömrəsi


Marşrut


Bakıdan uçuş


Təyinat məntəqəsinə gəliş


Təyinat məntəqəsindən uçuş


Bakıya gəliş




J2-011/012


Bakı-Dubay-Bakı


12:40


15:35


16:45


19:45




J2-827


Bakı-Moskva (VKO)


02:45


05:00







J2-852/851


Bakı- Moskva (DME)- Bakı


11:40


13:50


14:50


18:40




J2-9111/9112


Bakı-Alanya-Bakı

(Buta Airways)


12:30


14:30


15:30


19:20




J2-9685/9686


Bakı-Odessa-Bakı

(Buta Airways)


12:15


14:40


15:40


19:40




J2-239


Bakı–Gəncə


Reys mayın 29-na keçirilmişdir 

uçuş: 08:00, eniş: 09:00




J2-021/322


Bakı –Təl-Əviv –Bakı


Reyslər ləğv edilmişdir




J2-075/076


Bakı – İstanbul (IST)-Bakı


Reyslər ləğv edilmişdir




J2-9103/9104


Bakı – İstanbul (SAW)-Bakı (Buta Airways)


Reyslər ləğv edilmişdir




J2-9223/9224


Bakı-Tbilisi-Bakı

(Buta Airways)


Reyslər ləğv edilmişdir




J2-9017/9018


Bakı -Tehran - Bakı

(Buta Airways)


Reyslər ləğv edilmişdir




J2-251


Bakı-Naxçıvan


Reys ləğv edilmişdir




J2-258


Naxçıvan-Bakı


Reys ləğv edilmişdir





 

Qeyd edək ki, yuxarıda sadalanan reyslərin sərnişinləri aviabiletin alınması zamanı göstərilən telefon nömrələri vasitəsilə aviaşirkətin prosedurasına uyğun olaraq məlumatlandırılacaqlar.