XİN KİV-də yayılmış məlumatı təkzib etdi

XİN KİV-də yayılmış məlumatı təkzib etdi

Mayın 13-ü Avropa İttifaqı ilə sazişin imzalanması nəzərdə tutulmayıb – XİN

BAKI, 23 aprel — Sputnik. "Azərbaycanla Avropa İttifaqı arasında sazişin məhz bu ilin may ayının 13-də imzalanması nəzərdə tutulmayıb".

Sputnik Azərbaycan xəbər verir ki, bunu Xarici İşlər Nazirliyinin mətbuat katibi Leyla Abdullayeva bildirib.

"Çünki, ölkəmizlə Avropa İttifaqı arasında tərəfdaşlıq münasibətlərinin hüquqi əsasını təşkil edəcək saziş üzrə danışıqlar hələ ki, davam etdirilir", - XİN rəsmisi əlavə edib.

Xatırladaq ki, bu gün bir sıra media orqanlarında parlamentin spikeri Oqtay Əsədova istinadən Azərbaycanla Avropa İttifaqı arasında sazişin may ayının 13-də imzalanacağı barədə xəbərlər getmişdi.

Açar sözlər
Leyla Abdullayeva , Oqtay Əsədov , Avropa Ittifaqı , Xarici Işlər Nazirliyi , Azərbaycan
Siyasət xəbərləri
Azərbaycanda bu hərbi qulluqçuların pensiyası artırıldı

Azərbaycanda bu hərbi qulluqçuların pensiyası artırıldı

23-04-2019 21:19 - Yenisabah.az - Siyasət
Milli Məclisin bu gün keçirilən plenar iclasında “Kəşfiyyat və əks-kəşfiyyat  fəaliyyəti haqqında”, “Əmək pensiyaları haqqında” qanuna dəyişikliklər edilməsi məsələsi müzakirəyə çıxarılıb. Dəyişiklikləri nəzərdə tutan qanun layihəsi kəşfiyyat və əks-kəşfiyyat subyektlərinin hərbi qulluqçularının pensiyasının artırılması ilə bağlıdır. Xatırladaq ki, mövcud qanunvericiliyə əsasən, kəşfiyyat və əks-kəşfiyyat subyektlərinin hərbi qulluqçularının pensiyası onların xidmətdən tərxis olunan günə aldıqları pul təminatından hesablanır. Belə ki, “Əmək pensiyaları haqqında” qanun 1.0.5-ci maddəsində pul təminatı dedikdə hərbi qulluqçuların hərbi xidmətdən buraxıldığı günə aldıqları miqdarda (sonrakı artımlar da nəzərə alınmaqla) aylıq vəzifə maaşından, rütbə maaşından, xidmət illərinə görə əlavədən, ərzaq payı əvəzinə verilən pul kompensasiyasından, vəzifə maaşından hesablanan digər əlavələrdən (büdcədənkənar vəsaitlər hesabına hesablanan əlavələr və digər ödənişlər istisna olmaqla), artımlardan ibarət olan məbləğ başa düşülür. Həmçinin, “Kəşfiyyat və əks-kəşfiyyat fəaliyyəti haqqında” qanunun 20.3-cü maddəsinə müvafiq olaraq kəşfiyyat və əks-kəşfiyyat subyektlərinin hərbi qulluqçularına pensiya təyin edilən zaman onların xidmətdən tərxis olunan günə aldıqları miqdarda bütün növ pul təminatı (ərzaq payı əvəzinə verilən pul kompensasiyasından başqa, digər növ kompensasiya, birdəfəlik ödəmələr və müavinətlər istisna olmaqla) nəzərə alınır. Qeyd olunan şəxslər xidmətdən tərxis olunmazdan əvvəl sərəncama götürülür, bir müddət sərəncamda qalır, daha sonra isə xidmətdən tərxis olunurlar. Belə olan halda onların pensiya hesablanan pul təminatının məbləği aşağı olur.
Sputnik.az digər xəbərlər