Xüsusi təyinatlımızın anım günü keçirilib - FOTOLAR

Xüsusi təyinatlımızın anım günü keçirilib - FOTOLAR
Ordu.az-ın Qarabağ bürosunun xəbərinə görə, anım günündə rayon ictimaiyyətinin nümayəndələri, Qarabağ müharibəsi əlilləri, qazilər və şəhid ailələrinin üzvləri, şəhidin yaxınları, həmçinin hərbi hissənin şəxsi heyəti iştirak ediblər.

Şəhidin məzarı önünə əklil və gül dəstələri qoyulub, anım duruşu nümayiş etdirilib.

Tədbirdə çıxış edənlər bildiriblər ki, aprel zəfəri, gələcəkdə böyük qələbəyə aparan yoldur. Bu yolu uğurla davam etdirmək isə, hər bir Azərbaycan gəncinin vəzifəsidir.

Şəhidin dayısı Elşad Əliyev isə öz çıxışında bildirib ki, biz təsəllini onda tapırıq ki, bu igidlər əbəs yerə canlarını verməyib: "Torpağımızın bir qismini düşmənlərdən azad etdi. Təsəllimiz bundan irəli gəlir ki, şəhidlərimizin qanı əbəs yerə tökülməyib".

Çıxış edənlər, Dilsuz Qarayev və onun döyüş yoldaşlarının uzun illərdən sonra, Vətən torpağının bir hissəsinin düşməndən geri alınmasının xalqımızda ruh yüksəkliyi yaratdığını bildiriblər.

Qəsəbə məktəblilərinin hazırladığı şeir kompozisiyası anım mərasimində duyğulu anlara səhnə olub.

Qeyd edək ki, Xüsusi Təyinatlı Qüvvələrdə xidmət edən Dilsuz Qarayev 2016-cı ilin aprel 4-də Tərtərin Talış yüksəkliyində gedən döyüşlər zamanı şəhid olub.

Daşqın Güneyli, Ağcabədi

Siyasət xəbərləri
Ordu.az digər xəbərlər
Nə baş verir?| Mübariz QİO, Satqın “Alman planı” və Fürsətçillər

Nə baş verir?| Mübariz QİO, Satqın “Alman planı” və Fürsətçillər

26-04-2019 15:25 - Ordu.az - Siyasət
500 piyada, 70 süvari, 3 zirehli avtomobil Maştağanın cənubundan Buzovnaya gedən yolla hərəkət etmək istədilər, lakin Maştağa dəstəsi və Ləzgi süvari alayı tərəfindən geri atıldılar.579 Hələ iyulun axırlarında Şollar su xətti türk-Azərbaycan döyüşçülərinin nəzarətinə keçsə də, insanpərvərliklə seçilən türk-müsəlman komandanlığı şəhər əhalisinin əziyyətlərini nəzərə alaraq su xəttinə toxunmadı. 

Sentyabrın 10-da QİO komandanı Bakıya hücum əmrini imzaladı; Şərq Cəbhəsi komandanlığı və Şimal qrupu ləğv edilir; hazırlıq işləri 11 sentyabr saat 21-də tamamlanır; Şərq cəbhəsi kimi tanınan qüvvələr (5-ci, 15-ci firqələr, Cənub qrupu) birbaşa QİO komandanına tabe edilir; qoşunların tərkibi - 5-ci firqə: 9-cu, 10-cu, 13-cü, 56-cı piyada alayları, dağ qaubitsa batareyası, 13 rus səhra topu, 4 rus dağ topu, 2 ədəd 105 mm-lik səhra qaubitsası, 3 Qüdrətli dağ batareyası (10 top), 2 Şnayder topu, 6 Şnayder dağ topu; 15-ci firqə: 38-ci, 107-ci piyada alayları, 2-ci mürəttəb süvari alayı, Azərbaycan süvari alayları, Dikaya diviziya (Tatar süvari alayı nəzərdə tutulur) və milis (könüllülər) taborları, 105 mm-lik səhra qaubitsa, 2 rus Şnayder dağ, qüdrətli dağ batareyaları, 4 Krupp dağ topu, Krupp dağ taqımı; Cənub qrupu: 4-cü Azərbaycan piyada alayının 1-ci və 2-ci taborları, iki süvari bölüyü, süvari Azərbaycan bölüyü, iki Krupp dağ, iki rus səhra topu; 106-cı piyada alayının iki taboru Hökməlinin cənubunda ehtiyat saxlanılacaq, bir tabor 5-ci firqəyə veriləcək; 5-ci firqə sağ cinahı ilə Hacı Həsən-Ermənikənd istiqamətində irəliləyəcək, Heybət stansiyasından, dəniz sahili və Qurd qapısınadək olan ərazini tutacaq, mümkün olarsa, təpəni zəbt edəcək; 15-ci firqə Biləcərinin şərqindən sağ cinahı istiqamətində hücum edəcək.