"Yeni qanun layihəsi fermerlərə diqqətin bariz nümunəsidir"

"Yeni qanun layihəsi fermerlərə diqqətin bariz nümunəsidir"

“Heç kim kənd təsərrüfatı məhsullarının sığortası ilə məşğul olmaq istəmir. Çünki, sığorta təşkilatları bilir ki, buradan ziyana düşə bilər. Bu baxımdan “Aqrar sığorta haqqında” qanunun ən böyük üstünlüyü odur ki, burada dövlət aqrar sığorta ilə bağlı olan riskləri öz üzərinə götürür”, SİA-nın xəbərinə görə, bunu ekspert Zahid Abbasov Milli Məclisin aqrar siyasət komitəsinin bu gün keçirilən iclasında çıxış edərkən deyib.

Qanunvericilikdə qeyri-kommersiya təşkilatlarının da sahibklarlıq fəaliyyəti ilə məşğul olmaq imkanı olduğunu deyən ekspert söyləyib ki, amma qeyri-kommersiya təşkilatlarının mənfəəti üzvlər arasında bölünərək fəaliyyətin genişləndirilməsinə yönəldilir: “Bu təşkilatların mənfəəti aqrar sığorta tərəfindən ayrılan sığorta və dövlət tərəfindən ayrılan maliyyədir”.

Ekspertin sözlərinə görə, yeni hazırlanan qanun layihəsinin ən böyük üstünlüyü aqrar sahədə olan riskləri aradan qaldıracaq: “Bu da prezident İlham Əliyevin fermerlərə diqqət və qayğısının bariz nümunəsidir. Qanun layihəsində öz əksini tapan müddəalardan biri odur ki, əgər fermer bu gün müqavilə bağlayırsa, haqqı ödəmək üçün vəsaiti yoxdursa, o zaman aqrar sığorta orqanı müəyyən dövr üçün fermerin yerinə ödəyir və daha sonra həmin vəsaiti fermerdən alır”.

Z. Abbasov qeyd edib ki, qanun layihəsinin digər üstünlüklərindən biri burada idarəetmə sistemində məqsədə uyğun fəaliyyətin nəzərdə tutulmasıdır: “Aqrar sığorta orqanı heç kimlə müqavilə bağlamır. Bu məqsəd üçün idarəetmə qurumu yaradılır. Bu qurum səhmdarları sığorta təşkilatlarını cəlb etməklə vasitəçilik funksiyasını daşıyır”.

Ekspert qanun layihəsində uyğunsuzluqlarla bağlı fikirlərini bildirərək, layihənin dilinin ağır və anlaşılmaz olduğunu dilə gətirib.

loading...

Açar sözlər
Ilham Əliyev , Zahid Abbasov , Milli Məclis
İqtisadiyyat xəbərləri
Torpaq kadastr məlumatlarının alınmasına görə dövlət rüsumu tətbiq olunmayacaq

Torpaq kadastr məlumatlarının alınmasına görə dövlət rüsumu tətbiq olunmayacaq

26-04-2019 15:48 - Xeberle.com - İqtisadiyyat


Bu gün Milli Məclisin İqtisadi siyasət, sənaye və sahibkarlıq komitəsinin iclasında "Dövlət rüsumu haqqında” qanuna dəyişiklik barədə qanun layihəsi müzakirəyə çıxarılıb.
Xeberle.com-un məlumatına görə, qanuna dəyişiklik "Aqrar sığorta haqqında” qanun layihəsində yaradılması nəzərdə tutulan aqrar sığorta orqanının elektron informasiya sistemləri vasitəsiləreal rejimdə əldə edəcəyi məlumat və informasiyalarla əlaqədardır.
Layihəyə əsasən, kənd təsərrüfatı təyinatlı torpaq sahələrinin dövlət torpaq kadastrının məlumatları (torpaq sahələrinin hüquqi statusu, torpaq üzərində mülkiyyət, istifadə və icarə hüququ, torpaq sahələrinin kəmiyyət və keyfiyyət göstəriciləri, torpaqların bonitirovkası və iqtisadi qiymətləndirilməsi, torpaqların istifadəsi və mühafizəsi ilə əlaqədar qanunla müəyyən olunmuş digər məlumatlar), ünvanı, kənd təsərrüfatı məqsədləri üçün istifadə edilən digər daşınmaz əmlak (tikili və qurğular), həmin daşınmaz əmlak üzərində qeydiyyata alınmış hüquqlar, hüquqların yüklülüyü (məhdudlaşdırılması), hüquq sahibləri barədə məlumatlara görə dövlət rüsumu tətbiq olunmayacaq.
 Müvafiq informasiya sistemləri aqrar sığorta informasiya sığorta informasiya sisteminə inteqrasiya olunanadək müvafiq məlumatlar və sənədlər aidiyyəti informasiya sahibləri tərəfindən aqrar sığorta orqanının sorğusu tərəfindən təqdim ediləcək.
Sia.az digər xəbərlər